AsiyaTV xəbər verir ki, tədbir öncəsi şəhid valideynləri, rayon ictimayəti şəhid Sübhan Həsənovun məzarı ziyarət ediliblər.
Şəhidin təhsil aldığı 5 nömrəli tam orta məktəbin qarşısında tikilən “Şəhidlər bulağı” abidə kompleksinin açılış mərasimi Dövlət himninin sədaları altında şəhidlərimizin əziz xatirələrinin bir dəqiqəlik sükutu ilə başladı.
Çıxış edən şəhid valideyinləri, müəllimlər, ziyalılar şəhidlik məqamının ucalığından söz açıb Sübhan kimi qəhraman vətən övladları ilə fəxr etdiklərini bildirdilər.
“Viləş” uşaq bağçasının körpə fidanları və məktəblilər vətənə, anaya, qəhrəmanlığa həsr edilmiş şeirlər söylədilər. Bəstəkar müğənni Ruslan Səfəroğlu şəhid Sübhan Həsənova həsr etdiyi mahnını oxudu.
Şəhidin anım mərasimi ehsan süfrəsi arxasında davam etdirilib.
