Ərkivanda aztəminatlı ailələrə bayram sovqatı verildi

Masallı rayonun Ərkivan qəsəbəsində Dünya Azərbaycanlılarının Həmrəyliyi Günü və Yeni il münasibətilə 50 ailəyə dəyəri 80 manat olan ərzaq bağlaması, 30 ailəyə isə hər biri 2 kq olmaqla qurban əti sovqatı paylanılıb.

Fakt.info xəbər verir ki, bayram sovqatları Rusiya Federasiyasında yaşayıb fəaliyyət göstərən xeyriyyəçi iş adamı, Yəhudi Muxtar Vilayətinin deputatı və Fəxri vətəndaşı Hikmət Məmmədovun maddi dəstəyi ilə başa gəlib.

Bayram sovqatları Ərkivan Xeyriyyə Cəmiyyətinin könüllüləri tərəfindən aztəminatlı ailələrə çatdırılıb.