Hikmət Məmmədov məktəblilər üçün bayram şənliyi təşkil edib, aztəminatlı ailələri sevindirdi

Hər zaman milli-mənəvi dəyərlərimizə bağlı olan həmyerlimiz, Yəhudi Muxtar Vilayətinin FƏXRİ VƏTƏNDAŞI və Vilayət Qanunvericilik məclisinin deputatı, xeyriyyəçi iş adamı Hikmət Məmmədovun dəstəyi ilə Ərkivan qəsəbə 4 nömrəli tam orta məktəbində şagirdlər üçün Novruz bayramı şənliyi təşkil edilib.
Məktəb direktoru Teymur Dadaşov tədbir iştirakçılarına Hikmət Məmmədovun bayram təbrikini çardıraraq, onun məktəbə hədiyyə etdiyi müasir tipli mikrafon və səyyar səs gücləndiricini nümayiş etdirib. 
Çıxış edən müəllimlər Novruz bayramı münasibətilə təbriklər söyləyib, tədbirin təşkilatçılarına minnətdarlıq ediblər. 
Təhsildə fərqlənən şagirdlərinə diplom və təşəkkürnamələr verilib.
Milli geyimdə olan məktəbli qızlar Bahar bayramının personajları sayılan keçəl və kosa ilə rəqslər edərək yüksək bayram əlval-ruhiyyəsi yaradıblar.

Daha sonra Hikmət Məmmədov tərəfindən hər birinin dəyəri 90 manat olan 55 ədəd sovqat bağlaması qəsəbədə yaşayan aztəminatlı ailələrə çatdırılıb. 
Bayramınız mübarək olsun!