Ərkivan Xeyriyyə Cəmiyyətinin təşkilatçılığı ilə keçirilən humanitar aksiya qəsəbədə yerləşən “Ramazanlı" Mərasim evində baş tutub.
Bayram əlval-ruhiyyəsində keçən tədbirdə qəsəbə ziyalıları, xeyriyyəçilər və qəsəbə fəalları iştirak ediblər.
Çıxış edən din xadimi hacı Aydın Nurəliyev və digər qəsəbə sakinləri aksiyaya maddi dəstək göstərən xeyirxah insanlara və təşkilatçılara qəsəbə ictimayəti adından təşəkkür ediblər.
Ərkivan Xeyriyyə Cəmiyyətinin sədri Cəfər Cəfərov bildirib ki, keçirilən humanitar aksiya sayca ikincidir. İki gün əvvəl hər birinin dəyəri 55 manat olan 161 ədəd, bu gün isə 91 ədəd sovqat bağlamaları könüllülər tərəfindən şəhid və qazi ailələri də daxil olmaqla aztəminatlı ailələrə çatdırılıb.
DİQQƏT! Ərkivan Xeyriyyə Cəmiyyətinin təşkil etdiyi xeyriyyə aksiyaları reklam məqsədli olmadığından və etik səbəblərdən bayram sovqatı aparılan ailələrin kimliyi məxfi saxlanılır.
Ramazan ətirli Novruz Bayramınız mübarək olsun!
