Bu gün Azərbaycan idman tarixinə adını qızıl hərflərlə yazdıran ikiqat Dünya çempionu, Üçqat Avropa çempionu, Avrasiya kubokunun sahibi Taleh Babayev 50 illik yubiley yaşını qeyd edir.
Taleh Əkbər oğlu Babyev 23 mart 1975-ci ildə Masallı rayonu, Ərkivan kəndi, Bağlaküçə məhəlləsində anadan olub.
Taleh Babayev 1982-1992-ci illərdə Bağlaküçə Kənd Orta məktəbində təhsil alıb.
O, Orta məktəbi bitirdikdən sonra, 1992-ci ildə Azərbaycan Dövlət Kooperasiya İnstitutunun “İqtisad” fakültəsinə qəbul olub.
1996-cı ildə həmin institutu “Maliyyə-Kredit” ixtisası üzrə bitirib.
1997-1999-cu illərdə Hərbi Dəniz Qüvvələrində hərbi xidmətdə olub.
Taleh Babayev maliyə, mühasib ixtisası üzrə bir çox özəl və dövlət idarələrində çalışıb.
T.Babayev tələbəliyinin ilk illərindən eyni zamanda iki fərqli idman növü – Kikboks və Karate ilə peşəkarcasına məşğul olmağa başlayır.
O, Kikboks üzrə ilk Azərbaycan çempionatının çempionu olub.
Karate üzrə isə 15 il Azərbaycan milli komandasının üzvü olub.
İdmanın Karate-Do üzrə 3-cü dan qara kəmər ustasıdır.
Eyni zamanda iki fərqli idman növü ilə peşəkarcasına məşğul olmaq ona çətinliklər yaradırdı. Bu baxımdan T.Babayev ona daha əziz olan Karate idman növünü seçir. Karate idmanının özü də bir neçə növə ayrılır. Taleh Babayev bu növlərin əksəriyətini mənimsəmiş və həmin növlərdə nəaliyyətlər qazanmışdır.
Nəaliyyətləri:
1. 1999-cu il də SKİF versiyasına görə Avrasiya çempionu (Aərbaycan, Bakı)
2. 2000-ci il də Dünya Kubokunun sahibi (İran)
3. 2002-ci il də Dünya Kubokunun sahibi və mükafatçısı (Ukrayna)
4. 2003-cü ildə Avropa çempionatının qalibi və mükafatçısı (Ukaryna),
5. 2005-ci ildə Avropa çempionatının qalibi və mükafatçısı (Türkiyə).
6. 2006-cı ildə Dünya çempionu və mükafatçısı (Yaponiya).
7. 2007-ci ildə Dünya çempionu və mükafatçısı (Yaponiya).
8. 2009-cu ildə Dünya çempionu və mükafatçısı. (Yaponiya).
9. 2008-ci ildə WKF üzrəAvropa üçüncüsü (Estoniya).
10. 2008-ci ildə Dünya kubokunun qalibi və mükafatçısı (İsveç)
11. 2010-cu ildə Dünya kubokunun qalibi və mükafatçısı (İsveç)
T.Babayev sadalanan nəaliyətlərdən savayı bir neçə beynəlxalq turnirlərin qalibi və mükafatçısı olub.
Taleh Babyev həm də gözəl ailə başçısıdır. Bir oğlu, bir qızı var. Həyat yoldaşı Elmira Babayeva da peşəkar idmançıdır. Elmira xanım idman nəaliyyətlərinə görə də heç Taleh müəllimdən geri qalmır. O, Karate üzrə Dünya və Avropa çempionudur.
Böyük övladları Emil Babayev Azərbaycan Respublikasının Prezidenti yanında Dövlət İdarəçilik Akademiyasının tələbəsidir. Qızları isə məktəblidir.
Azərbaycan Respublikasının Prezident İlham Əliyev 18 dekabr 2012-ci il də idman nailiyyətlərinə görə Taleh Babayevə mənzil hədiyyə edib.
Taleh Babayev hazırda məşqçi kimi fəaliyyət göstərir.
Taleh Babayevə uzun, sağlam ömür arzulayırıq.