Fakt.info xəbər verir ki, kollec kollektivi Masallı şəhərində yerləşən "Qəhrəmanlar parkı"nı ziyarət edib, abidə kompleksinin qarşısına gül dəstələri düzüblər.
Kollecin direktoru filologiya üzrə fəlsəfə doktoru Rövşən Qurbanov çıxış edərək bildirib ki, 31 Mart – Azərbaycanlıların Soyqırımı Günü xalqımızın tarixinə qanlı bir səhifə kimi yazılmışdır. 1918-ci ilin mart ayında bolşevik-erməni silahlı birləşmələri azərbaycanlılara qarşı amansız qətliamlar törətmiş, minlərlə günahsız insan öldürülmüş, şəhərlər və kəndlər dağıdılmışdır.
"Bu hadisələr təkcə bir xalqın deyil, ümumilikdə insanlıq adına utanc gətirən, yaddaşlarda silinməz iz buraxan ağır cinayətlərdən biridir. 31 Mart – Azərbaycanlıların Soyqırımı Günündə günahsız qurbanları dərin hörmətlə anırıq." - deyə direktor qeyd etmişdir.
