DataLife Engine / "Vətənpərvərlik Etüdləri" layihəsi çərçivəsində "Quba mənzərələri" adlı etüd-sərgi təşkil olundu.

"Vətənpərvərlik Etüdləri" layihəsi çərçivəsində "Quba mənzərələri" adlı etüd-sərgi təşkil olundu.

10 avqust tarixində Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və Beynəlxalq Qalereyanın birgə dəstəyi ilə təşkil olunan Ulu Öndər Heydər Əliyevin anadan olmasının 102-ci ildönümünə həsr olunmuş layihə rəhbəri Aygün Əzizovanın olduğu "Vətənpərvərlik Etüdləri" layihəsi çərçivəsində "Quba mənzərələri" adlı etüd-sərgi təşkil olundu. 
25 nəfərlik rəssam heyəti öncə Quba Soyqırımı Memorial Kompleksini ziyarət etdilər. 
 Quba şəhərində “Soyqırımı Memorial Kompleksi” nin direktoru Dr. Rəxşəndə Bayramova və əməkdaşları etüd iştirakçılarını yüksək səviyyədə qarşıladılar. Dr. Rəxşəndə xanım Quba Soyqırımı Memorial Kompleksi haqqında geniş məlumat verdi. Kompleks ətrafında salınan  Cənab Prezident İlham Əliyevin və birinci vitse-prezident  Mehriban Əliyevanın təşəbbüsü ilə salınan Qubanın simvolu olan alma bağından bəhs etdi. 
  44 günlük Vətən nüharibəsi zamanı həmin alma bağının məhsullarının hərbiçilərimizə  göndərilməsindən qürurla söhbət açdı . Quba Soyqırımının dəhşətli olduğunu və Soyqırımın bütün dünyaya çatdırılması üçün hər bir Azərbaycanlının çalışmasının vacib olduğunu bildirdi. 

Beynəlxalq Qalereyanın direktoru Elnurə İsgəndərova yüksək səviyyədə qarşılanma və  ətraflı məlumat üçün Quba Soyqırımı Memorial Kompleksinin direktoru Rəxşəndə Bayramovaya təşəkkür edib, əməkdaşlığın həvəslə  davam etdiriləcəyini bildirdi. 
Etüdlər Qubada Qırmızı qəsəbədə, Qəçrəş meşəsində və Qudyalçayın ətrafında baş tutdu. Rəssamlar bir-birindən gözəl əsərlər ərsəyə gətirdilər. Qubanın mənzərələrini ən gözəl şəkildə kətan üzərinə köçürdülər. 
Sonda iştirakçılar diplomla təltif olundular. Xatirə fotoları çəkildi. 
Eyni zamanda iştirakçılar Quba mətbəxinin ləzzətli təamları ilə də tanış oldular. 






Müxbir: Aygün Oqtay 
Operator: Xatirə Məmmədova 
Fotoqraf: Camal
11-08-2025, 18:13
Вернуться назад