Tanınmış ictimai xadim, iş adamı və xeyriyyəçi, Rusiya Federasiyasının Əməkdar məşqçisi, Rusiya Federasiyasının fəxri inşaatçısı, texnika elmləri doktoru, professor Qasıməli Qasımov 65 illik yubileyi münasibətilə Ərkivan Xeyriyyə Cəmiyyətinə 5000 manat ianə edib.
Bu barədə Fakt.info-ya Ərkivan Xeyriyyə Cəmiyyətinin sədri Cəfər Cəfərov məlumat verib. O, bildirib ki, ayrılan vəsait Ramazanlı məhəlləsində evi yanaraq yararsız hala düşən Alışanovlar ailəsi üçün inşa edilən yeni evin tikintisinə sərf olunacaq.
Qeyd edək ki, Qasımov qardaşları bu evin tikintisinə bir müddət əvvəl də 3000 manat ianə etmişdilər.
Cəmiyyət sədri əlavə edib ki, xeyriyyəçilərin dəstəyi nəticəsində ailənin yeni evə köçməsi yaxın vaxtlarda mümkün olacaq.