Berlin Ukraynaya hərbi qüvvələrin göndərilməsinin müzakirəsini vaxtından əvvəl hesab edir
Almaniya hakimiyyəti hesab edir ki, Ukraynada hərbi qüvvələrin yerləşdirilməsi mümkünlüyünü müzakirə etməzdən əvvəl Rusiya-Ukrayna münaqişəsinin həlli üzrə razılaşmalara nail olmaq lazımdır.
Bunu Almaniya hökumətinin nümayəndəsi Kristiane Hoffmann bildirib.
"Biz dəfələrlə demişik ki, əvvəlcə Ukraynada sülhün bərqərar olub-olmadığını və bunun necə baş verdiyini görənə qədər gözləməliyik. Bundan sonra biz şərtləri və bunun necə təşkil olunacağını müzakirə edə bilərik", - o qeyd edib.
Öz növbəsində, Polşanın Baş naziri Donald Tusk Ukraynada Polşa qoşunlarının yerləşdirilməsi mümkünlüyünü nəzərdən keçirmədiyini bildirib.
"Polşa Ukraynaya indiyə qədər etdiyi qaydada - maliyyə, humanitar və hərbi imkanlarımızdan asılı olaraq kömək edəcək. Biz Ukrayna ərazisinə Polşa əsgərlərini göndərmək niyyətində deyilik", - o, bu gün jurnalistlərə söyləyib.
///report
