Rusiyanın Krasnoyarsk diyarında qasırğa 75 mindən çox insanı işıqsız qoyub
Rusiya Federasiyasının Krasnoyarsk diyarının 75 mindən çox sakini bir gün əvvəlki qasırğa səbəbindən işıqsız qalıb. Regionda 379 sosial obyektin də elektrik enerjisi kəsilib.
Bu barədə Krasnoyarsk diyarının Prokurorluğu məlumat yayıb.
"Krasnoyarsk diyarının 32 bələdiyyəsində, 298 yaşayış məntəqəsində, 75 174 nəfər əhalinin yaşadığı 24 367 yaşayış binasında elektrik enerjisinin kəsilməsi hələ də davam edir”, - prokurorluq 379 sosial obyektin elektrik enerjisindən ayrıldığını da qeyd edib.
Qeyd olunur ki, şənbə günü Krasnoyarsk diyarının mərkəzi və cənub rayonlarında küləyin sürətinin qasırğa gücünə qədər artıb, 33 m/s və daha çox olub ki, bu da toz fırtınalarının yaranmasına və yanğınların ərazisinin yayılmasına səbəb olub. Şənbə günü günortadan sonra diyarın 17 rayonunda elektrik enerjisi kəsilib, 62 mindən çox insan işıqsız qalıb.
Qasırğa nəticəsində 2 nəfər xəsarət alıb. Cənubda, Minusinskdə yanğınların genişlənmə təhlükəsi ilə əlaqədar fövqəladə vəziyyət elan edilib.
///Report
