Masallıda keçmiş polis rəisi vəfat etdi

Masallıda keçmiş polis rəisi vəfat etdi

Masallı rayon ictimaiyyətinə ağır itki üz verib.

Fakt.info xəbər verir ki, uzun illər polis orqanlarında çalışmış polis polkovnik-leytenantı Mirzəli Mirzəyev vəfat edib. Mirzəli Məmməd oğlu Mirzəyev 1 dekabr 1955-ci ildə Masallı rayonunu Ərkivan qəsəbəsində anadan olub. 1989-cu ildə Özbəkistan Milis Akademiyasının məzunu olub.
1993-cü ildə Ağdam Polis Şöbəsində çalışıb, Birinci Qarabağ müharibəsi döyüşlərində iştirakçısı olub. Qarabağ müharibəsi veteranıdır.
1994-cü ildən Masallı Rayon Polis Şöbəsində müxtəlif vəzifələrdə işləyib. Boradigah Polis Bölməsinin rəisi vəzifəsində çalışıb. Uzun müddət idi səhhətində ciddi problemlər yaranmışdı. İki ay öncə 27 yaşlı oğlu Toğrulun vəfatı onun səhhətinin daha çox pisləşməsinə səbəb olmuşdu. Mərhum sabah doğulduğu Ərkivan qəsəbəsində torpağa tapşırılacaq. 
Allah rəhmət etsin.