Masallı Su Meliorasiya Sistemlərinin İstismarı İdarəsi Yeni il tədbiri keçirdi - FOTOLAR

Masallı Su Meliorasiya Sistemlərinin İstismarı İdarəsi Yeni il tədbiri keçirdi - FOTOLAR

Masallı Su Meliorasiya Sistemlərinin İstismarı İdarəsinin Həmkarlar İttifaqı Təşkilatı Dünya Azərbaycanlılarının Həmrəyliyi Günü və Yeni il münasibətilə bayram tədbiri keçirilib. 

Fakt.info xəbər verir ki, tədbiri giriş sözü ilə idarə rəisi Akif Həmidov açaraq əməkdaşları Dünya Azərbaycanlılarının Həmrəyliyi Günü və Yeni il münasibətilə təbrik edib, Azərbaycan Dövlət Su Ehtiyatları Agentliyinin sədri Zaur Mikayılovun bayram təbriklərini onlara çatdırıb. 

Çıxış edən idarə rəisinin müavini Mətin Zalıyev, Masallı Su Meliorasiya Sistemlərinin İstismarı İdarəsinin Həmkarlar İttifaqı Təşkilatının sədri Hüseyn Əmirli və başqaları həmkarlarını təbrik edib, 2025-ci ildə onlara xoşbəxtlik, əmin-amanlıq arzulayıblar. 

Çay süfrəsi arxasında keçən görüşdə Həmkarlar İttifaqı Təşkilatı tərəfindən Masallı Su Meliorasiya Sistemlərinin İstismarı İdarəsinin işçilərinə bayram hədiyyələri təqdim edilib.