Səfərbərlik xidmətinin Masallı şöbəsində qanunsuzluq
Səfərbərlik və Hərbi xidmətə çağırış üzrə Masallı rayon şöbəsində vətəndaş haqsızlığa məruz qalmışdır.
Fakt.info xəbər verir ki, şikayətçi İskəndərov Ramal Rəşad oğlu bildirir ki, Türkiyə respublikasında təhsil alması səbəbindən hərbi xidmətdən möhlət almaq üçün bura müraciət etmişdir. Aylarla əlində universitetin rəsmi sənədi ilə idarəyə ayaq döysədə cürbəcür bəhanələrlə ona möhlət verilməmişdir. Nəhayət 28 dekabr 2024-cü ildə sənəd Səfərbərlik və Hərbi xidmətə çağırış üzrə Masallı rayon şöbəsində sənəd qəbul olunmuşdur. Ona səhər burda olmasını tapşırsalar da , səhəri gün bildiriblər ki sənəd Bakıya göndərilib ancaq bayram tətilindən sonra guya hansısa General baxdıqdan sonra sizə cavab veriləcəkdir. Yanvarın 6-da Səfərbərlik və Hərbi xidmətə çağırış üzrə Masallı rayon şöbəsindən bildirilib ki, sənəd rəisin stolunun üstündədir. Kapitan rütbəsində olan işçi bildirib ki, sənədi yenidən rəisin yadına salacaqdır. Bu gün, 07 yanvar 2025-ci ildə idarəyə getdikdə həmin kapitan rütbəsində olan şəxs bildirib ki, "mən sizə dedim axı sənəd rəisdədir nə vaxt baxsa onda da sizə cavab veriləcək". İskəndərov Ramal deyir ki, bu dəfə Səfərbərlik və Hərbi xidmətə çağırış üzrə Masallı rayon şöbəsinin rəisi polkovnik-leytinant Məmmədov Tural İlyas oğlu ilə görüşüb vəziyyəti danışır. Səfərbərlik və Hərbi xidmətə çağırış üzrə Masallı rayon şöbəsinin rəisi deyib ki, "rəsmi sənədə baxmayaraq sən Türkiyə respublikasında birinci kursda oxuduğunu sübut etməlisən". Eyni zamanda qeyd etdi ki, Səfərbərlik və Hərbi xidmətə çağırış üzrə Masallı rayon şöbəsinə ərizə ilə rəsmi müraciət etməlisən. Göründüyü kimi, aylarla ayaq döydüyüm idarədə indi mənə deyilir rəsmi ərizə yazmalısan ki, bundan sonra rəsmi cavab veriləcək.
Fakt.info saytı olaraq hesab edirik ki, Səfərbərlik və Hərbi xidmətə çağırış üzrə Dövlət xidmətinin Masallı şöbəsində baş vermiş qanunsuz süründürməçilik faktı korrupsiyaya şərait yaradan hüquqpozmadır. Eyni zamanda qarşı tərəfin də mövqeyini saytda dərc etməyə hazırıq.
