Çin Afrika ölkələrindən idxal edilən bütün məhsullara qarşı rüsumları ləğv edəcək

Çin Pekinlə diplomatik əlaqələri olan 53 Afrika ölkəsindən (Tayvanla diplomatik əlaqələri saxlayan Esvatinidən başqa) idxal edilən malların 100%-nə sıfır rüsum tətbiq etməyə razılaşıb.

Məlumata görə, bu razılaşma iyunun 11-də Çinin Çanşa şəhərində keçirilən forumda xarici işlər nazirləri tərəfindən imzalanan Çin-Afrika Həmrəylik Bəyannaməsində əksini tapıb.

Həmçinin bildirilir ki, Çinin 2024-cü ildə Afrika ilə ticarəti keçən illə müqayisədə 6%-dən çox artaraq 288 milyard dollar olub. Bununla belə, Çinin ümumi ticarətində Afrikanın payı cəmi 4,7%-i təşkil edir.
 
/Oxu.Az