Qarabaq fatehi, Ali Baş Komandan İlham Əliyevin doğum günüdür
Bu gün - 24 dekabr Qarabağın fatehi, 44 günlük Vətən Müharibəsinin Qəhrəmanı, Azərbaycan xalqını qaliblərin cərgəsinə daxil edən, ölkədə bütün siyasi qüvvələri bir araya gətirən, Azərbaycanın dövlət başçısı, Ali Baş Komandan İlham Əliyevin doğum günüdür.
2003-cü ilin oktyabrında Heydər Əliyev Azərbaycan xalqına müraciətində deyirdi:
“İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm".
2003-cü ildə hakimiyyətə gələn İlham Əliyev ümummilli lider Heydər Əliyevin daxili və xarici siyasətdə əldə etdiyi uğurları cəsarətli dövlət xadimi kimi davam etdirməyə başladı. Dövlətin xarici siyasətində ən ağrılı problemi torpaqların işğaldan azad olunması və Qarabağla bağlı düyünə düşən məsələri həll etmək idi. Azərbaycan tərəfinin apardığı danışıqlar göstərdi ki, nə düşmən tərəf, nə düşmənə havadarlıq edən dövlətlər, nə də ATƏT-in Minsk qrupu bu problemi ədalətli şəkildə həll etmək iqtidarında deyil. Ermənistanın ayrı-ayrı dövlət adamları Azərbaycanı yeni müharibə ilə hədələməyə üstünlük verirdilər.
Azərbaycan xanlıqlarının işğalından sonra Cənubi Qafqaza köçürülən ermənilər bu bölgəyə müharibə, terror, soyqırım, qəddarlıq və amansızlıq gətirdilər. 200 ildən artıq idi ki, erməni tərəfi havadarlarının gücündın istifadə edərək Azərbaycan xalqına qarşı dövlət səviyyəsində soyqırım həyata keçirirdi.
Birinci Qarabağ müharibəsindən sonra erməni tərəfi iddia edirdi ki, onların orduları məğlubedilməzdir. Havadarlarına arxalanan ermənilər hətta xaricdə yaşayan erməniləri işğal etdikləri Azərbaycan torpaqlarında məskunlaşdırırdılar.
Düşmən təxribatlarından qalmır, beynəlxalq hüquqa zidd nə varsa, Azərbaycana qarşı onları tətbiq edir, bu cinayətkar əməllərin həyata keçirilməsində böyük dövlətlərin və nufuzlu təşkilatların himayəsinə arxalanırdı. Düşmənin növbəti təxribatından sonra Ali Baş Komandanın əmri ilə Azərbaycan ordusu əks hücuma keçdi. Bu müharibə tarixə 44 günlük Vətən Müharibəsi kimi daxil oldu.
Ali Baş Komandan 44 günlük müharibədə düşmən üzərində qələbənin 4 şərtini göstərirdi:
1. Xalq və iqtidar birliyi;
2. Qarabağ probleminin tarixi və hüquqi tərəflərinin dünyaya çatdırılması;
3. Güclü iqtisadiyyat;
4. Güclü Azərbaycan ordusunun yaradılması;
İlham Əliyev dövlət başçısı kimi ilk dəfə təcavüzkar Ermənistanı danışıqsız kapitulyasiya bəyanatını imzamağa məcbur etdi.
İlham Əliyev bir sıra nüfuzlu dövlətlərin təzyiqlərinə baxmayaraq, Azərbaycanın haqq işini axıra çatdırdı. Heç bir dövlətin təhdidi Azərbaycanın dövlət başçısını öz yolundan döndərə bilmədi. Çünki Azərbaycan dövlətinə rəhbərlik edən İlham Əliyev 10 milyonluq Azərbaycanı dəmir yumruq şəklində birləşdirməyə nail olmuş, Türkiyə və Pakistan başda olmaqla Azərbaycanın haqq işini müdafiə edən dövlətlərin sayını artırmağa nail olmuşdu.
Prezident İlham Əliyev 44 günlük müharibə dövründə informasiya sahəsində ən böyük uğura imza atdı. Xüsusi missiya ilə Azərbaycana göndərilən, jurnalistdən daha çox ittihamçını xatırladan bəziləri aldıqları cavabdan təəccüblərini gizlədə bilmirdilər.
Prezident İlham Əliyev Azərbaycanın tarixinə aşağıdakı ilkləri gətirdi:
— 18-ci əsrdən Azərbaycan üçün problemə çevrilən Qarabağ məsələsini ədalətli şəkildə həll etdi.
— 20-ci əsrin əvvəllərindən başlayaraq Zəngəzur ifadəsi bilərəkdən və düşünülmüş şəkildə bizim tariximizdən çıxarılmışdı. Prezident ilk dəfə bu məsələni prinsipial formada masa üzərinə qoydu.
— Azərbaycan ilk dəfə Cənubi Qafqazın siyasi xəritəsinə əlavələr edərək Qafqaz evini 3+3 prinsipi ilə əvəz etdi.
— Qoşulmama hərəkatına rəhbərlik etməklə ona böyük nüfuz gətirdi.
— Türkdilli dövlətlər arasında səmimi münasibətlərin yaradılmasında xidmətlərinə görə ən böyük mükafatın sahibi oldu.
COP29 Sammiti bütün dünyanı inandıra bildi ki, qalib Azərbaycan dünya əhəmiyyətli hər cür tədbirləri uğurla həyata keçirməyə hazırdır. Çünki qalib Azərbaycana Sizin kimi qətiyyətli, cəsarətli, təcrübəli dövlət başçısı rəhbərlik edir. 2003-cü ildən bu günə kimi Azərbaycan tarixinə gətirdiyiniz ilklərin sayı-hesabı yoxdur.
Cənab Prezident, uğurlu fəaliyyətinizlə müstəqil dövlətimizi daha xoşbəxt günlərə aparmaq üçün Allahdan Sizə can sağlığı, uzun və sağlam illər arzulayıram.
Doğum gününüz mübarək, cənab
Prezident!
Anar İsgəndərov,
Milli Məclisin Elm və Təhsil komitəsinin sədri
2003-cü ilin oktyabrında Heydər Əliyev Azərbaycan xalqına müraciətində deyirdi:
“İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm".
2003-cü ildə hakimiyyətə gələn İlham Əliyev ümummilli lider Heydər Əliyevin daxili və xarici siyasətdə əldə etdiyi uğurları cəsarətli dövlət xadimi kimi davam etdirməyə başladı. Dövlətin xarici siyasətində ən ağrılı problemi torpaqların işğaldan azad olunması və Qarabağla bağlı düyünə düşən məsələri həll etmək idi. Azərbaycan tərəfinin apardığı danışıqlar göstərdi ki, nə düşmən tərəf, nə düşmənə havadarlıq edən dövlətlər, nə də ATƏT-in Minsk qrupu bu problemi ədalətli şəkildə həll etmək iqtidarında deyil. Ermənistanın ayrı-ayrı dövlət adamları Azərbaycanı yeni müharibə ilə hədələməyə üstünlük verirdilər.
Azərbaycan xanlıqlarının işğalından sonra Cənubi Qafqaza köçürülən ermənilər bu bölgəyə müharibə, terror, soyqırım, qəddarlıq və amansızlıq gətirdilər. 200 ildən artıq idi ki, erməni tərəfi havadarlarının gücündın istifadə edərək Azərbaycan xalqına qarşı dövlət səviyyəsində soyqırım həyata keçirirdi.
Birinci Qarabağ müharibəsindən sonra erməni tərəfi iddia edirdi ki, onların orduları məğlubedilməzdir. Havadarlarına arxalanan ermənilər hətta xaricdə yaşayan erməniləri işğal etdikləri Azərbaycan torpaqlarında məskunlaşdırırdılar.
Düşmən təxribatlarından qalmır, beynəlxalq hüquqa zidd nə varsa, Azərbaycana qarşı onları tətbiq edir, bu cinayətkar əməllərin həyata keçirilməsində böyük dövlətlərin və nufuzlu təşkilatların himayəsinə arxalanırdı. Düşmənin növbəti təxribatından sonra Ali Baş Komandanın əmri ilə Azərbaycan ordusu əks hücuma keçdi. Bu müharibə tarixə 44 günlük Vətən Müharibəsi kimi daxil oldu.
Ali Baş Komandan 44 günlük müharibədə düşmən üzərində qələbənin 4 şərtini göstərirdi:
1. Xalq və iqtidar birliyi;
2. Qarabağ probleminin tarixi və hüquqi tərəflərinin dünyaya çatdırılması;
3. Güclü iqtisadiyyat;
4. Güclü Azərbaycan ordusunun yaradılması;
İlham Əliyev dövlət başçısı kimi ilk dəfə təcavüzkar Ermənistanı danışıqsız kapitulyasiya bəyanatını imzamağa məcbur etdi.
İlham Əliyev bir sıra nüfuzlu dövlətlərin təzyiqlərinə baxmayaraq, Azərbaycanın haqq işini axıra çatdırdı. Heç bir dövlətin təhdidi Azərbaycanın dövlət başçısını öz yolundan döndərə bilmədi. Çünki Azərbaycan dövlətinə rəhbərlik edən İlham Əliyev 10 milyonluq Azərbaycanı dəmir yumruq şəklində birləşdirməyə nail olmuş, Türkiyə və Pakistan başda olmaqla Azərbaycanın haqq işini müdafiə edən dövlətlərin sayını artırmağa nail olmuşdu.
Prezident İlham Əliyev 44 günlük müharibə dövründə informasiya sahəsində ən böyük uğura imza atdı. Xüsusi missiya ilə Azərbaycana göndərilən, jurnalistdən daha çox ittihamçını xatırladan bəziləri aldıqları cavabdan təəccüblərini gizlədə bilmirdilər.
Prezident İlham Əliyev Azərbaycanın tarixinə aşağıdakı ilkləri gətirdi:
— 18-ci əsrdən Azərbaycan üçün problemə çevrilən Qarabağ məsələsini ədalətli şəkildə həll etdi.
— 20-ci əsrin əvvəllərindən başlayaraq Zəngəzur ifadəsi bilərəkdən və düşünülmüş şəkildə bizim tariximizdən çıxarılmışdı. Prezident ilk dəfə bu məsələni prinsipial formada masa üzərinə qoydu.
— Azərbaycan ilk dəfə Cənubi Qafqazın siyasi xəritəsinə əlavələr edərək Qafqaz evini 3+3 prinsipi ilə əvəz etdi.
— Qoşulmama hərəkatına rəhbərlik etməklə ona böyük nüfuz gətirdi.
— Türkdilli dövlətlər arasında səmimi münasibətlərin yaradılmasında xidmətlərinə görə ən böyük mükafatın sahibi oldu.
COP29 Sammiti bütün dünyanı inandıra bildi ki, qalib Azərbaycan dünya əhəmiyyətli hər cür tədbirləri uğurla həyata keçirməyə hazırdır. Çünki qalib Azərbaycana Sizin kimi qətiyyətli, cəsarətli, təcrübəli dövlət başçısı rəhbərlik edir. 2003-cü ildən bu günə kimi Azərbaycan tarixinə gətirdiyiniz ilklərin sayı-hesabı yoxdur.
Cənab Prezident, uğurlu fəaliyyətinizlə müstəqil dövlətimizi daha xoşbəxt günlərə aparmaq üçün Allahdan Sizə can sağlığı, uzun və sağlam illər arzulayıram.
Doğum gününüz mübarək, cənab
Prezident!
Anar İsgəndərov,
Milli Məclisin Elm və Təhsil komitəsinin sədri
